ලෝක උරුමයක් වූ සිංහරාජ රක්ෂිතයට ඇතුළුවී රහසිගතව කැපූ වල්ලපට්ට ශාඛ නිස්සාරණය කිරීමේ ස්ථානයක් පොලිස් විශේෂ කාර්ය බලකායේ බූස්ස කදවුරේ බුද්ධි නිලධාරීන්ට ලද තොරතුරකට අනුව දෙනියාය කදවුරේ නිලධාරීන් විසින් වටලා වල්ලපට්ට ශාඛ කොටස් තොගයක් සමග සැකකරුවෙක් අත්අඩංගුවට ගෙන තිබේ.
මොරවක පොලිස් වසමට අයත් අඹේවෙල කලුබෝවිටියන ප්රදේශයේ දී මෙම වැටලීම කර ඇත්තේ ඊයේ ය.
අත්අඩංගුවට ගත් සැකකරු අවුරුදු 49 ක් වයසැති පුද්ගලයෙකි.
වල්ලපට්ට කිලෝ 659 ක්, නිස්සාරණය කරන ලද වල්ලාපට්ට ද්රවණ මිලි ලීටර් 30 ක් සහ නිස්සාරණ උපකරණ කිහිපයක් ද විශේෂ කාර්ය බලකා නිලධාරීන් සොයාගෙන තිබේ.
වැඩිදුර විමර්ශන සදහා සැකකරුවන් දියදාව අඩවිවන නිලධාරී කාර්යාලයට භාරදුන් බව විශේෂ කාර්ය බලකාය සදහන් කරයි.
විශේෂ කාර්ය බලකායේ සේනාවිධායක නියෝජ්ය පොලිස්පති නීතීඥ වරුණ ජයසුන්දර මහතාගේ අධීක්ෂණයෙන් මෙම වැටලීම සිදුව තිබේ.