ශ්‍රී ලංකා ප්‍රජාතන්ත්‍රවාදී ජනපදයේ 14 වන ගරු අග්‍රාමාත්‍ය මහින්ද රාජපක්ෂ මහතාගේ මාධ්‍ය ලේඛම්වරයා ලෙස, ප්‍රවීණ මාධ්‍යවේදී රොහාන් වැලිවිට ,අහතා පත් කර ඇත.
රොහාන් වැලිවිට මතා අග්‍රාමාත්‍ය ලේඛම් ගාමිණී සෙනරත් මහතා අතින් 2020.08.18 වන දින අග්‍රාමාත්‍ය කාර්යාලයේදී සිය පත්වීම ලිපිය භාර ගත්තේය.
ස්වාදෙහීන රුපවාහිනී සේවයේ වැඩසටහන් කළමනාකාර හා ප්‍රවෘත්ති අධ්‍යක්ෂක ධුරයේ කටයුතු කරනු ලැබූ ප්‍රවීණ මාධ්‍යවේදී රොහාන් වැලිවිට මහතා 2000 වර්ෂයේ ඉන් ඉවත්ව ගරු අග්‍රාමාත්‍ය මහින්ද රාජපක්ෂ මහතාගේ මාධ්‍ය උපදේශක ධුරයට පත්විය.
ගරු අග්‍රාමාත්‍ය මහින්ද රාජපක්ෂ මහතා 2000 වර්ෂයේ ධීවර අමාත්‍යවරයාව සිටි සමයේ එතුමාගේ මාධ්‍ය උපදේශක ලෙස කටයුතු කරනු ලැබූ රොහාන් වැලිවිට මහතා පළමු වරට විපක්ෂ නායක ධුරය දරන කාලයේදීද එතුමාගේ මාධ්‍ය ලේඛම් වරයා ලෙස කටයුතු කරණු ලැබීය.
2004 වර්ෂයේ ගරු අග්‍රාමාත්‍ය මහින්ද රාජපක්ෂ මහතාගේ මාධ්‍ය ලේකම් සහ 2005 වර්ෂයේ සිට 2015 වර්ෂය දක්වා ජනාධිපති සම්බන්ධීකරණ ලේකම් ලෙස කතයුථුඅ කර ඒ මහතා, 2015 වර්ෂයේ සිට එතුමා විපක්ෂ නායකධුරය දරන කාලයේදී එතුමාගේ මාධ්‍ය උපදේශක ලෙස කටයුතු කරනු ලැබීය.
2019 වර්ෂයේ පත්වූ නව රජ යටතේ අග්‍රාමාත්‍ය කාර්ය මණ්ඩල ප්‍රධානීන්ගේ මාධ්‍ය ලේකම් ධුරයද රොහාන් වැලිවිට මහතා හෙබවිය.
ඒ මහතා වර්තමාන අග්‍රාමාත්‍ය මාධ්‍ය ලේකම් ලෙස මෙම මස 18 වන දින සිට සිය ධුරයේ රාජකාරි ආරම්භ කළේය.
චිත්‍රපට හා ටෙලි නාට්‍ය අධ්‍යක්ෂකවරයෙකු මෙන්ම ගත කතුවරයෙකු වන රොහාන් වැලිවිට මහතා, පන්නිපිටිය ධර්මපාල විද්‍යාලයේ කීර්තිමත් ආදී ශිෂ්‍යයෙකි.
